ఇద్దర్లో ఎవరు ముందు? సహభాగి కోల్పోడం ఎప్పుడూ జరిగేదే

ఇద్దర్లో ఎవరు ముందు?

సహభాగి కోల్పోడం
ఎప్పుడూ జరిగేదే

By Someswar Bhagwat

నేను  వృధ్ధాప్యం గురించి రాసిన ఇంగ్లీషు పుస్తకం (అముద్రితం) లో ఒక పూర్తి అధ్యాయం భార్యా-భ్యర్తలలో ఒకరు ముందు పోతే జరిగే మానసిక

అనుభూతికి కేటాయించాను. ఇద్దరూ ఒకేసారి పోడం చాలా చాలా ఆరుదు.  ఒకరికొకరు చాలా దగ్గర ఉన్నవారికి మృత్యువు కూడా త్వరలో  వస్తుంది, కానీ ఎవరు ముందో చెప్పలేము.   

ఈ దిగువనున్నది నేను రాయలేదు – సామాజిక మాధ్యమం లో వచ్చింది.

2012లో రోచెస్టర్‌ ఇన్‌స్టిట్యూట్‌ ఆఫ్ టెక్నాలజీ శాస్త్రవేత్తలు ఒక అధ్యయనం చేశారు. 

అందులో ఒక ఆసక్తికరమైన అంశం వెల్లడైంది…

— సాధారణంగా భార్యాభర్తల్లో పురుషులు వయసులో పెద్దవారై ఉంటారు కాబట్టి, వారు తమ కన్నా ముందే మరణిస్తారనే అంశాన్ని జీర్ణించుకోవడానికి మహిళలు సిద్ధమై ఉంటారట. 

తన కన్నా చిన్నదైన భార్య

చనిపోతుందనే సన్నద్ధత పురుషుల్లో ఉండదట. 

భార్య పోతే భర్త కుంగుబాటుకు (depression) గురవడానికి  ఇది కూడా ఒక ప్రధాన కారణం    

                                                                                                         –భార్య మీద జోకులేస్తారు. కోపమొస్తే అరుస్తారు, అలుగుతారు, తిడతారు., 

ప్రబుద్ధులైతే పురుషాహంకారంతో 

కొడతారు కూడా ! కానీ ఆమె శాశ్వతంగా దూరమైతే మాత్రం  తట్టుకొని బతికేటంత మానసిక బలం పురుషులకు ఉండదు.

‘ఆమె’ లేని మగాడి జీవితం, మోడువారిన చెట్టుతో సమానం !!’

అడగకుండానే అన్నీ అమర్చి పెట్టినన్నాళ్లూ ఆమె విలువ తెలుసుకోలేని మహానుభావులుంటారు 

ఆమె వెళ్లిపోయిననాడు, మనసులో మాటను చెప్పుకొనే తోడు లేక..,

అందరితో కలవలేక మనసులోనే   కుమిలిపోయి శారీరకంగా క్షీణించిపోతారు 

                                                   “నేను ముందు పోతే పసుపు, కుంకాలు మిగిలిపోతాయేమో గానీ., ఆ జీవుడు ఎంత అవస్థపడతాడో నాకు తెలుసు,”  

‘దేవుడా ఈ మనిషిని తీసుకెళ్లు, ఆ తర్వాత నా సంగతి చూడు’ అని రోజూ దణ్నం పెట్టుకునేదాన్ని.

‘మొగుడి చావు కోరుకునే వెర్రిముండలుంటారా?’ అని అనుకోకు. ఉంటారు. 

“నాకు మీ మావయ్యంటే  చచ్చేంత  ఇష్టంరా. ఆయన మాట చెల్లకపోయినా, కోరిక తీరకపోయినా, నా ప్రాణం కొట్టుకుపోయేది. 

చీకటంటే భయం. 

ఉరిమితే భయం. 

మెరుపంటే భయం. 

నే వెన్నంటి ఉండకపోతే ధైర్యం ఎవరిస్తారు ? 

అర్ధరాత్రిపూట ఆకలేస్తోందని 

లేచి కూర్చుంటే ఆవిరికుడుములూ కందట్లూ పొంగరాలూ ఎవరు చేసి పెడతారు ?’’ 

ప్రముఖ రచయిత శ్రీరమణ రాసిన, నటుడు ప్రయోక్త శ్రీ తనికెళ్ళ భరణి తీసిన ), ‘మిథునం’లో భర్త మరణం గురించి బుచ్చిలక్ష్మి పాత్ర ఆవేదన ఇది!                         

నటుడు రంగనాథ్‌ గుర్తున్నారా ? భార్యతో అపూర్వమైన అనుబంధం ఆయనది. మేడ మీద నుంచి పడటంతో నడుం విరిగి ఆవిడ మంచాన పడితే, పద్నాలుగేళ్లపాటు ఆమెకు సేవలు చేశారాయన ! తాను ఎంతగానో ప్రేమించిన భార్య శాశ్వతంగా దూరమవడాన్ని తట్టుకోలేక కుంగుబాటుకు గురై 2015లో ఉరిపోసు కుని చనిపోయారు. ప్రముఖ చిత్రకారుడు, దర్శకుడు బాపు సైతం.భార్య భాగ్యవతి మరణాన్ని తట్టుకోలేక ఆమె వెళ్లిన ఏడాదిన్నర లోపే తుదిశ్వాస విడిచారు.

 సాధారణంగా భార్య అంటే చాలా మందికి చులకన భావం ఉంటుంది.భార్య తన మీద ఆధారపడి ఉందని, తాను తప్పఆమెకు దిక్కులేదని  చాలా పురుషులు అనుకుంటారు. కానీ వాస్తవం అందుకు విరుద్ధం.చాలామంది పురుషులు తెలియకుండా భార్యపై మానసికంగా ఆధారపడిపోతారు.

భార్యను కోల్పోయినప్పుడు ఆ లోటు వారికిబాగా తెలుస్తుంది. వారి జీవితం గందరగోళంలో పడిపోతుంది.  భాగ- స్వామి దూరమైనప్పుడు మహిళలు స్పందించే తీరు భిన్నంగా ఉంటుంది. భర్తకు దూరమైన తరువాత మహిళలు కుటుంబ సభ్యులతో కలిసిపోయి, కొన్ని బరువు బాధ్యతలు తీసుకుంటారు. స్త్రీ చిన్నప్పటి నుంచి స్వతంత్రం.  

తండ్రికి బాగోలేకపోయినా, భర్తకు జ్వరం వచ్చినా, పిల్లలకు జలుబు చేసినా తనే సేవ చేస్తుంది. అదే తనకు ఏదైనా అయితే ఎవరి కోసం ఎదురు చూడదు. తనకు తానే మందులు వేసుకుంటుంది. ఓపిక లేకపోయినా లేచి పనులు చేసుకోవడానికి యత్నిస్తుంది. ఆ మనోబలమే భర్త లేకపోయినా ధైర్యంగా బతకడానికి ఉపయోగపడుతుంది. భావోద్వేగ బలం ఆమెదే . పురుషుడు శారీరకంగా బలంగా ఉంటే, స్ర్తీ బలం భావోద్వేగాలపరం.-సామాజిక బాధ్యతలు భర్త తీసుకుంటే, భార్య కుటుంబ బాధ్యత మోస్తుంది. ఒక విధంగా చెప్పాలంటే ఇంట్లో ఆమే రిమోట్‌ కంట్రోల్‌. ఎక్కడ ఏది నొక్కాలో ఆమెకే తెలుసు. 

ఎంతటి భావోద్వేగాన్నీ భరిస్తుంది. పిల్లలే సర్వస్వంగా బతుకుతుంది. 

అందుకే భర్త తనువు చాలించినా పిల్లల కోసం తను కష్టపడుతుంది.   ఆడదే మగాడికి సర్వస్వం!  “యత్ర నార్యంతు పూజ్యంతే రమంతే తత్ర దేవత”